Aldou Cafe (已易手) 新餐廳

朋友成日路過劇院同新元朗圖書館，見到呢間餐廳中午同晚上都成日滿座，甚至有人喺出面排隊等候，都知道佢一定係好受歡迎。於是今晚同朋友就去食吓，試一試佢係咪真係咁好食。 我叫咗一個前菜係白酒忌廉煮大蜆，主菜就係鴨肝手打牛肉芝士漢堡配薯條。Hm……Yummy!  大蜆一到，睇到肥dudu、大大隻既蜆就知佢新鮮啦！即刻一口咬落去，嘩，好香好新鮮呀！心裏舉起手指頭! 我估唔到入黎呢間小餐廳有海鮮食，更估唔到佢咁新鮮（開頭都只係諗住博一博），佢用白酒忌廉煮，唔會蓋過蜆味，好match!跟住黎就係個鴨肝手打牛肉芝士漢堡配薯條， 成個包好豐富，中間夾咗個鴨肝手打牛肉，中間有菜有蕃茄有芝士，個包脆脆的。一切開，見到熱騰騰既煙走出黎，一啖咬落去個鴨肝牛肉到，好juicy, 好林，唔散，可能佢溝咗鴨肝，令到牛既騷味冇咗，好好味，食落有几種口感，可encore!我明白佢點解成日都full, 好食得黎價錢都唔貴!