The Galley by Cafe Proud Wings (已結業)

今次真係有啲諷刺嘅係因為比人放飛機，所以就自己係飛機餐廳食嘢……朋友話屋企突然有啲事需要返去，但我都已經到咗餐廳門口，嚟都嚟咗就試下啦。我就叫咗一個黑松露野菌意大利飯，佢呢個意大利飯煮到係我鐘意嘅口感，偏硬身嘅口感。煮到好creamy，黑松露味道好濃郁。唔錯嘅。之後加咗杯雞尾酒——Vodka soda : 特別之處係佢地有加青瓜，睇落靚之外，聞到青瓜清新嘅味道，感覺多幾refresh。餐飲方面我幾滿意。環境方面呢，係幾有gimmick嘅，無論係menu設計，定裝修都幾有心思。