雲南啊老表黑山羊湯鍋米綫 (已搬遷) 新店位置

星期五放工黎到佐敦一於就黎試下呢間成日都想食既表哥米線啦！難得有羊肉米線丫嘛。作為米線愛好者，今次就叫左碗羊肉米線 細既，一上檯，嘩好大碗好抵食。味道呢個羊無羶味，幾香，足料好多塊，仲有d 蔥花。米線都係普通米線無咩特別，但比連鎖x 仔個隻好食。至於湯底就有種一飲落去就覺得好重味精既感覺。個湯底真係扣晒分...最後都係要落d 豉油吊下味......不過仍然俾正評因為真係唔多地方有羊肉米線食喂呀三十幾蚊大大碗仲有羊肉仲想點？