影片
更多
2019-01-31
1422 瀏覽
相傳日本人食壽喜燒係因為有喜事、大事慶祝。平常日子係唔會隨便食壽喜燒的。不過，噚日我就遇到一件好事一定要慶祝下，就係我有個朋友終於要結婚啦！今次一於帶佢去食返餐勁嘅好好慶祝下。牛陣銅鑼灣店我一直都想去食下，上次同屋企人經過但因為太多人而冇食到，一直心郁郁想食，今次提早book位終於有得食啦！間嘢十分易搵，銅鑼灣站B出口出嚟銅鑼灣廣場一期3樓就係。店面都係十分有日式格調，特別係佢嗰種燈籠樣嘅照明燈。店員都好有禮貌，知道我哋第一次食壽喜燒，都會主動嚟教我哋，先幫我哋放啲肥膏落鍋當油咁用，再放埋京蔥一齊爆香。佢仲教埋我整壽喜燒嘅步驟，真係唔講唔知道㗎。放入和牛，再倒入兩羹左右的壽喜燒醬汁，食前再沾上事先打好嘅蛋汁。哇真係正！！！和牛嘅肉味、燒汁嘅甜味同蛋汁嘅鮮味撞埋一齊簡直絕配，和牛切得夠薄又易熟，入口幾乎即溶。食完一盤和牛就開始轉食火鍋，倒入提供嘅上湯，再落埋跟餐嘅蔬菜同玉子豆腐。仲有喺出面任攞嘅火鍋料：冰菜，牛丸，芝士腸，三文治魚丸同魚滑。海鮮方面又有墨魚兩隻，生蠔兩隻，帆立貝兩隻。生蠔煮熟咗都仍然難掩佢嘅鮮味。食到呢度，我哋其實都已經飽晒，其實仲有炸薯條炸雞塊，烏冬呢啲我哋冇食到，因為
牛陣銅鑼灣店我一直都想去食下，上次同屋企人經過但因為太多人而冇食到，一直心郁郁想食，今次提早book位終於有得食啦！
間嘢十分易搵，銅鑼灣站B出口出嚟銅鑼灣廣場一期3樓就係。
店面都係十分有日式格調，特別係佢嗰種燈籠樣嘅照明燈。
店員都好有禮貌，知道我哋第一次食壽喜燒，都會主動嚟教我哋，先幫我哋放啲肥膏落鍋當油咁用，再放埋京蔥一齊爆香。佢仲教埋我整壽喜燒嘅步驟，真係唔講唔知道㗎。
放入和牛，再倒入兩羹左右的壽喜燒醬汁，食前再沾上事先打好嘅蛋汁。哇真係正！！！和牛嘅肉味、燒汁嘅甜味同蛋汁嘅鮮味撞埋一齊簡直絕配，和牛切得夠薄又易熟，入口幾乎即溶。
食完一盤和牛就開始轉食火鍋，倒入提供嘅上湯，再落埋跟餐嘅蔬菜同玉子豆腐。仲有喺出面任攞嘅火鍋料：冰菜，牛丸，芝士腸，三文治魚丸同魚滑。
海鮮方面又有墨魚兩隻，生蠔兩隻，帆立貝兩隻。生蠔煮熟咗都仍然難掩佢嘅鮮味。
食到呢度，我哋其實都已經飽晒，其實仲有炸薯條炸雞塊，烏冬呢啲我哋冇食到，因為實在太飽啦，食咗太多肉啦。佢仲要啤酒汽水飲品任飲。
張貼
