影片
更多
2010-01-20
3 瀏覽
19-1-2010本身對西式輕食一般, 是日幫襯呢間 bagel 店都係因為見到 small jj 食評的 Parma ham & melon bagel 覺得好吸引. 但原來 Parma ham & melon 屬「不定期供應」的配搭, 是日 set lunch 無佢份之餘, 連 a la carte 的都無得揀 , 唯有叫一個 curry chicken & mango bagel 食, 加一杯 cream of fennel soup (set lunch $45) 吧.Bagel 要求了店員提議的「烘熱」及「切開」, serve 時的確烘得熱辣辣又燶燶哋, 亦切開了兩半. Bagel 幾有麥香, 外烘得脆身, 內就算幾軟熟, 不過密度都幾高, 咬落有點煙韌 chewy, 似乎幾正宗? "Curry chicken" 係乾乾硬硬的雞肉, 食落幾辣, 茴香味濃烈亦有咖喱香, 都 ok; 芒果肉有點「溶溶爛爛」, 不過食落好甜, 配 curry chicken 一流; 亦塗了點紫紫藍藍色水的 spread, 有點似 blueberry cheese 又有點 yogurt fe
本身對西式輕食一般, 是日幫襯呢間 bagel 店都係因為見到 small jj 食評的 Parma ham & melon bagel 覺得好吸引. 但原來 Parma ham & melon 屬「不定期供應」的配搭, 是日 set lunch 無佢份之餘, 連 a la carte 的都無得揀 , 唯有叫一個 curry chicken & mango bagel 食, 加一杯 cream of fennel soup (set lunch $45) 吧.
Bagel 要求了店員提議的「烘熱」及「切開」, serve 時的確烘得熱辣辣又燶燶哋, 亦切開了兩半. Bagel 幾有麥香, 外烘得脆身, 內就算幾軟熟, 不過密度都幾高, 咬落有點煙韌 chewy, 似乎幾正宗? "Curry chicken" 係乾乾硬硬的雞肉, 食落幾辣, 茴香味濃烈亦有咖喱香, 都 ok; 芒果肉有點「溶溶爛爛」, 不過食落好甜, 配 curry chicken 一流; 亦塗了點紫紫藍藍色水的 spread, 有點似 blueberry cheese 又有點 yogurt feel, 唔知乜來? 沙律菜就以 iceberg lettuce 及「翡翠苗」(?) 為主, 夠新鮮清爽, 加埋不知名 salad dressing, 係幾 refreshing 又飽肚的.
奶白色的 cream of fennel soup 滑身 creamy , 茴香味就唔算突出; 入面仲有一粒粒丁方狀的白色嘢, 初初以為係薯仔或洋蔥, 但食落竟然係甜的, 係 pear? 味道其實同湯唔夾, 感覺怪怪哋, 搞乜鬼...
「隊」晒成個 bagel 又飲晒成杯湯, 食味亦 ok, 作為 light lunch 都可以一試的. 希望下次嚟「撞」到 Parma ham & melon 啦.
張貼
