Smile Cafe Yogurt.Cake.Comfort Food (已結業)

又係同老婆試新甜品嘅時候喇！LEE間雪糕店每次經過都係咁多人圍住個廚窗，今日忍唔住去試下先，佢唔係普通雪糕，係乳酪雪糕，望下個廚窗已經好開心，點解咁講，咪就係老婆個"餵"食樣囉，杯杯都話靚，杯杯都話想試，又話朱古力，又話水果咁，為咗快快手手，我就幫佢決定咗，點解佢願意，哼！只要你同佢講下次再嚟過，佢就一定肯，但唔好唔記得就得，唔係… 會日日提住你。我個人應為由於乳酪係酸嘅，一定要係襯水果先係最夾，反而朱古力係濃味道的，我怕搶咗乳酪嘅味道，所以諗都唔洗諗就揀咗＂FRUITY FRUITY＂，不論圖片／廚窗定係實物，製成品都係一樣咁靚，味道真係Good，酸酸甜甜，好得，凍到冰嘅水果，一樣好正。