泰贊- 創意泰餐廳 (已結業)

So Thai So Good雖然主打泰國菜，但其實又有西式嘅食物，所以其實都係fushion菜。餐廳裝修都幾現代化，唔睇menu同唔睇店名都唔覺係食泰菜。叫咗椰青煮蜆丶金柚沙律丶大頭蝦炒泰式金邊粉同脆皮豬手配香葉辣椒炒飯。椰青煮蜆，一心以為個湯底係椰青水，但其實唔係，只係有啲椰青肉，而個湯底都有少少辣，啲蜆肉有D沙。沙律個汁用試管盛住，可以因應自己口味落幾多，個汁酸酸甜甜令人幾開胃。金邊粉正路，炒得幾好味！脆皮豬手配香葉辣椒炒飯，其實味道都幾好味，配搭又幾夾，豬手堅脆，可惜成個飯一上枱已經唔熱所以扣左分。至於甜品叫咗香芒拿破崙同埋窩夫。甜品有啲驚喜，因為本身對佢個拿破崙都冇乜期望，話晒呢一間都係主打泰菜。不過個拿破崙又真係整得幾好味喎! 窩夫就不過不失啦唔算好脆。環境氣氛： ★★★★☆食物質素： ★★★★☆服務態度： ★★★★☆