kikusan (已結業)

以前去希慎食上海野淨系識去小南國，而家就多左去哩間kikusan。一黎價錢低茶介平，二黎入面好大夠多位，基本上去左三次都唔洗等，等都係within 15分鐘內。 Kikusan 好就好在有d走fusion路線，除左有最基本既上海菜之外，menu上都有日本菜式選擇，好似刺身飯同壽司甘。哩度每個麵或者送既分量唔係非常大，但係夠飽既。個人黎講就寧願每樣野價錢平d細份d，經濟之餘可以留肚食多幾樣。<菜圃豆腐乾擔擔面> 基本上系我既例牌，菜圃唔係間間上海菜館都會落，食過甘多間得哩度有，爽口又開胃。湯底夠濃，但又唔會濫落花生醬，唔錯。朋友就叫左 <天婦羅冷面>, 雖然個麵系冷盆，但係個軟殼蟹就新鮮炸起熱辣辣既 ，都有d surprise,但食落一d都唔油膩，好味呀！<Kikusan 卷> 簡直系平正之選。材料好豐富，海膽吞拿魚魚子三樣野加埋一齊都係收你幾十蚊，而且品質都唔錯，尤其海膽幾新鮮，所以我黎親都會叫，贊。