Simple Fusion (已結業)

溫完書想食下好野，附近幾間餐廳都滿左人，見呢間冇人就試下啦（夜晚6點幾個陣）🤤環境都ok，價格亦唔係太貴叫左BBQ 豬肋骨同明太子fusion意大利粉，賣相都ok，比大家J下先有包有湯 (冇圖), 包係普通包，湯係蘑菇湯，幾好飲😋豬肋骨就有啲硬同乾，冇乜肉汁，同我expect個味有少少出入😶味就淨係食到個辣味，薯角就正常的好味。個意粉啲食材有fusion 到，但味就冇乜，偏淡😢可能因為新開人手唔係好夠，好多人都有催單，我食到好辣個陣都未上我杯凍檸茶 (我係佢晚市第一個order...)，要等到主菜食完先有飲品😂埋單就$226 兩位😃總結: 還好，附近選擇太多應該唔會再食😂