影片
更多
2021-05-06
912 瀏覽
今日女朋友媽咪生日，Auntie之前同女朋友黎呢度食過Lunch覺得好食就番轉頭，今日生日就成家人一齊過黎食晚飯慶祝，我地仲係ig shop買左個蛋糕係餐廳同佢慶祝，餐廳會收$150蚊切餅費(貴唔緊要，態度容後再講)。我地walkin大約8點鬆d入座============================== 吞拿魚牛油果藜麥沙律 $158沙律價錢偏貴，不過食落吞拿魚清新，夠fresh同開胃，加埋superfood嘅牛油果，唔錯～ 椰香青咖哩青口，蜆 $148呢道菜係uncle指定，估唔到有驚喜，青咖哩夠椰香得黎最緊要夠辣，蜆夠大隻冇沙，配埋蒜蓉包沾咖哩汁，正！ 雜菌黑松露芝士薄餅 $158有驚喜，黑松露味非常香濃，配埋雜菌同芝士簡直一流～ 意式辣味香腸蘑菇薄餅 $148似茄汁底味嘅pizza，相對黑松露pizza比較失色，只屬不過不失。 龍蝦鵝肝星洲炒米粉配西班牙火腿 $168Fusion野星洲炒米配西班牙火腿，可能我接受程度比較低，我覺得茶記嘅星米配叉燒火腿仲好食d。 12oz 烤美國頂級肉眼 $318另一驚喜之作，$318嘅肉眼比起$158嘅沙律就顯得CP值好高，牛扒5成熟啱啱好
==============================
吞拿魚牛油果藜麥沙律
$158
106 瀏覽
0 讚好
0 留言
沙律價錢偏貴，不過食落吞拿魚清新，夠fresh同開胃，加埋superfood嘅牛油果，唔錯～
椰香青咖哩青口，蜆
$148
63 瀏覽
1 讚好
0 留言
呢道菜係uncle指定，估唔到有驚喜，青咖哩夠椰香得黎最緊要夠辣，蜆夠大隻冇沙，配埋蒜蓉包沾咖哩汁，正！
雜菌黑松露芝士薄餅
$158
47 瀏覽
0 讚好
0 留言
有驚喜，黑松露味非常香濃，配埋雜菌同芝士簡直一流～
意式辣味香腸蘑菇薄餅
$148
48 瀏覽
0 讚好
0 留言
似茄汁底味嘅pizza，相對黑松露pizza比較失色，只屬不過不失。
龍蝦鵝肝星洲炒米粉配西班牙火腿
$168
39 瀏覽
0 讚好
0 留言
Fusion野星洲炒米配西班牙火腿，可能我接受程度比較低，我覺得茶記嘅星米配叉燒火腿仲好食d。
12oz 烤美國頂級肉眼
$318
34 瀏覽
0 讚好
0 留言
另一驚喜之作，$318嘅肉眼比起$158嘅沙律就顯得CP值好高，牛扒5成熟啱啱好，肉汁鎖死配埋秘制醬汁，4個人分真係唔夠皮～
食物唔係問題，最大嘅問題係我地只係食到9點3果陣仲有少少先食完正餐嘅時候店員竟然話要幫我地上埋蛋糕，仲有9個字先夠鐘丫我地仲食緊正餐喎！同佢講起馬搭半先再上蛋糕睇住個鐘店員搭五未夠又問多次要幫我地上蛋糕。d未食哂嘅食物，食完嘅碗碟、餐紙同餐具仲係枱面冇人收仲好講上蛋糕，收左我地$150，趕收工都唔係咁趕客下馬。就算野食幾好食，咁嘅服務態度點搞，搞到uncle都唔高興。
Greenhouse
📍銅鑼灣勿地臣街1號時代廣場食通天10樓1004號舖
張貼
