影片
更多
2021-01-01
2357 瀏覽
之前朋友請食飯，我揀咗呢間不論餐廳名稱、環境及菜式都好有特色嘅餐廳，餐廳主打手工啤酒及fusion菜：🔸沙薑風味炸雞翼（$88）雞翼係單骨，炸得好香脆，沙薑味都幾出，食落都ok，但可能多數食開沙薑蒸雞翼，相比下我都係鍾意蒸多過炸😆🔸潮州酸菜蒔蘿雙籽三文魚他他（三文魚籽、飛魚籽）配香脆雲吞皮（$128）第一次食混合咗酸菜及三文魚籽嘅三文魚他他，食落酸酸地幾有口感，估唔到味道出奇地夾之餘又幾好食，淨食會覺得咸咗啲，但如果配同炸雲吞皮一齊食，味道就啱啱好，有驚喜🤩推薦👍🏻🔸24小時慢煮伊比利亞叉燒配九州溫泉蛋、韓國紫菜、香噴噴香蔥豬油撈飯（$178）毋庸置疑半肥瘦嘅蜜味叉燒一定好食，再經過慢煮後叉燒又腍又入味，邊位仲有啲微焦，真係好perfect👍🏻另配流心溫泉蛋及香脆紫菜，確係無得輸嘅🤤飯底用上珍珠米，但唔係好食到豬油味，反而食到甜豉油及蜜汁叉燒嘅味道，不過同樣好好食😋推薦👍🏻🔸成人紅荳冰（無酒精版 $59）呢杯紅豆冰本身係有酒精成份，但可要求轉返做老少咸宜嘅純紅荳冰，價錢亦會相對減半！紅荳冰勁多cream，啱晒我呢個cream怪😆紅荳煮至起沙，味道又唔太甜，都唔錯嘅😋餐廳氣氛好好，食物又
🔸沙薑風味炸雞翼（$88）
雞翼係單骨，炸得好香脆，沙薑味都幾出，食落都ok，但可能多數食開沙薑蒸雞翼，相比下我都係鍾意蒸多過炸😆
🔸潮州酸菜蒔蘿雙籽三文魚他他（三文魚籽、飛魚籽）配香脆雲吞皮（$128）
第一次食混合咗酸菜及三文魚籽嘅三文魚他他，食落酸酸地幾有口感，估唔到味道出奇地夾之餘又幾好食，淨食會覺得咸咗啲，但如果配同炸雲吞皮一齊食，味道就啱啱好，有驚喜🤩推薦👍🏻
🔸24小時慢煮伊比利亞叉燒配九州溫泉蛋、韓國紫菜、香噴噴香蔥豬油撈飯（$178）
毋庸置疑半肥瘦嘅蜜味叉燒一定好食，再經過慢煮後叉燒又腍又入味，邊位仲有啲微焦，真係好perfect👍🏻另配流心溫泉蛋及香脆紫菜，確係無得輸嘅🤤飯底用上珍珠米，但唔係好食到豬油味，反而食到甜豉油及蜜汁叉燒嘅味道，不過同樣好好食😋推薦👍🏻
🔸成人紅荳冰（無酒精版 $59）
呢杯紅豆冰本身係有酒精成份，但可要求轉返做老少咸宜嘅純紅荳冰，價錢亦會相對減半！紅荳冰勁多cream，啱晒我呢個cream怪😆紅荳煮至起沙，味道又唔太甜，都唔錯嘅😋
餐廳氣氛好好，食物又的確有特色，本身仲想試埋西班牙油炸鬼，無奈個肚唔爭氣咁鬼快飽🙈
⚠️餐廳不久後將會光榮結業，要試就快啦💨💨期待餐廳再開業時可以食到更多高質嘅菜式😋
張貼
