香港仔周記點心茶餐廳 (已結業)

喺香港過咗晏晝三四點想食點心就梗係唔係去酒樓啦~係去點心舖，當然點心舖嘅點心相對會比較貴 ，所以都要審慎選擇~ 人在中環上網查一查，香港仔嘅老牌周記喺上環開咗間分店，一於去朝聖一下~ 六點鐘到去到冇乜人，所以坐低後有位貌似老細嘅男士主動過嚟介紹有咩點心好食， 兩條友眼闊肚窄叫到一枱都係~ 😋本人覺得最正呢就係和風脆皮腸粉，粉皮好滑係傳統腸粉嗰種口感，有韌度但係唔係加咗薯粉嗰隻， 店員介紹佢哋係用米網~唔係用油炸鬼或者春捲皮~所以好鬆化，啲蝦仲好大隻好新鮮；😋咁另外要推介嘅就係佢嘅芒果布甸，勁多芒果布甸夠香滑； 😋呃like之選z~流心西多士，視覺效果一流~不過味道就普普通通啦；😋點心之魂~蝦餃燒賣嘅gimmick就係…每一隻足一兩重， 我覺得燒賣係啱曬食肉獸~因為真係好大嚿肉，蝦餃就中規中矩；😋鳳爪排骨飯呢係老店招牌，呢度都做得唔錯~啲飯夠鬆軟蒸得夠入味唔會硬米~ 其他點心食物都有一定水準， 不過就唔係咁特別， 埋單都唔平…不過都算物有所值！