屋喔 (已結業)

呢間屋喔之前已經同閨蜜們食過一次 主打fusion台式料理 除左有鹽酥雞 肉臊飯等基本台灣食品外 亦有卡邦尼 意大利飯等西式食物 感覺幾新鮮今次再同小胖男友黎食 就點左台灣既家常便飯-肉燥茄子飯同反傳統既肉眼扒今次被安排坐係浪漫既小露台(雖然叫露台 但實情同樣係室內同有冷氣供應)跟餐既前菜 我同小胖男友分別要左一中一西既選擇...兩樣既味道都唔錯 各有千秋台式肉燥茄子飯 好惹味 唔油膩 送飯一流安格斯肉眼牛扒勁大塊 加埋薯菜就更有份量除左兩個set外 我地仲點左個蜜糖芥末黑椒雞槌 形狀比平日食開既雞槌大同多肉 味道 有齊甜辣咸 層次分明 但又互相配合除左水果紅茶 店員亦推介左我地試一杯冰藍蝶花青檸特調 唔單止顏色靚 味道亦非常清新用匙羹輕輕攪拌 成杯特飲由漸變色變左漂亮既葡萄紫色當晚跟餐既甜品 有三款選擇我地揀左濃厚既brownie同滑溜溜既牛乳奶凍 兩樣都好味