Hunger Point (已結業)

星期六同朋友去觀塘apm行街，知道駱駝漆大廈樓上開咗間fusion菜，墨西哥菜同港式日式fusion比較新穎， 就上去品嚐。食素嘅朋友就有口福啦，Hunger Point提供素食，天多利玉子豆腐配烤南瓜，我哋揀咗半飯/ 半沙律 。沙律菜，玉子豆腐同南瓜擺盤已經好精緻， 加上好味嘅醬汁， 配合埋漲卜卜嘅米飯一齊食， 口感清爽又飽肚。另外我哋要咗Taco Set(3件裝)， 包括有墨西哥辣雞墨西哥夾餅，吉列蝦墨西哥夾餅，港式沙爹牛肉墨西哥夾餅，餐湯配多士。番茄餐湯濃郁，裡面有薯仔顆，香味口感都一流，多士都非常香脆可口。三個墨西哥夾餅分別放喺一個別緻架裏面， 仲有三款醬汁可供選擇， 墨西哥辣雞，吉列蝦 ，沙爹牛肉加上新鮮嘅沙律菜 ，包係薄薄嘅墨西哥夾餅裡面。 雞肉和蝦肉都好彈牙，港式沙爹牛肉較淋滑，fusion得黎好有特色， 配合埋沙律菜一齊食， 一次過吃到唔同嘅風味 ，感覺好滿足。Taco Set可以選擇埋飲品，有道地綠茶，玻璃樽嘅汽水，罐裝汽水，泰國有氣水。