影片
更多
2019-05-13
129 瀏覽
相信唔少人對蘭桂坊嘅第一印象都係夜夜笙歌、狂歡暢飲嘅地方，而無留意到蘭桂坊其實亦都係雲集多國美食，有唔少高格調餐廳嘅好地方。今次同朋友去左間叫做紅樓嘅餐廳，一聽個名忍唔住聯想係咪同紅樓夢有關，上到去發現原來係間中菜館，裝潢煣合左中西式元素，裝飾、氣氛都幾有格調，散發住時尚、新派嘅感覺，檯上嘅碗、碟、杯等簡約而別緻，而餐廳空間感十足，予人舒適同高私穩度嘅感覺，而我地坐係靠窗位置，仲可以放眼睇到香港夜景嘅美，未食先有感觀上嘅享受。香檳金蝦餃食得點心，點會少得叫返籠蝦餃食，蝦餃皮夠透簿，而且帶少少粉紅色，仲可以隱約睇到皮入面粒粒飽滿肥美嘅蝦仁，上面仲有少少金粉做裝飾，為傳統嘅點心加上左高貴嘅格調。入口無失望，皮果然夠簿，而蝦亦夠大夠彈牙，調味亦夠，同朋友毫不猶豫地秒KO左個點心。珍菌黑松露球新派點心，佢嘅味道有D似咸水角，但表面係用左黑松露同黑芝麻係整，聞起黎非常香口，入口新鮮熱辣，而內餡調味剛好GE珍菌同肉碎，口感QQ脆脆，幾好食！黑豚肉叉燒皇好食嘅叉燒愈來愈難搵，呢度嘅叉燒係用黑豚肉整，叉燒相當嫩滑，而且肥瘦均勻，蜜汁因為底下嘅火慢慢燒慢慢滲入叉燒入面，好好食！非常Juicy！如果俾多隻
相信唔少人對蘭桂坊嘅第一印象都係夜夜笙歌、狂歡暢飲嘅地方，而無留意到蘭桂坊其實亦都係雲集多國美食，有唔少高格調餐廳嘅好地方。
今次同朋友去左間叫做紅樓嘅餐廳，一聽個名忍唔住聯想係咪同紅樓夢有關，上到去發現原來係間中菜館，裝潢煣合左中西式元素，裝飾、氣氛都幾有格調，散發住時尚、新派嘅感覺，檯上嘅碗、碟、杯等簡約而別緻，而餐廳空間感十足，予人舒適同高私穩度嘅感覺，而我地坐係靠窗位置，仲可以放眼睇到香港夜景嘅美，未食先有感觀上嘅享受。
香檳金蝦餃
食得點心，點會少得叫返籠蝦餃食，蝦餃皮夠透簿，而且帶少少粉紅色，仲可以隱約睇到皮入面粒粒飽滿肥美嘅蝦仁，上面仲有少少金粉做裝飾，為傳統嘅點心加上左高貴嘅格調。入口無失望，皮果然夠簿，而蝦亦夠大夠彈牙，調味亦夠，同朋友毫不猶豫地秒KO左個點心。
珍菌黑松露球
新派點心，佢嘅味道有D似咸水角，但表面係用左黑松露同黑芝麻係整，聞起黎非常香口，入口新鮮熱辣，而內餡調味剛好GE珍菌同肉碎，口感QQ脆脆，幾好食！
黑豚肉叉燒皇
好食嘅叉燒愈來愈難搵，呢度嘅叉燒係用黑豚肉整，叉燒相當嫩滑，而且肥瘦均勻，蜜汁因為底下嘅火慢慢燒慢慢滲入叉燒入面，好好食！非常Juicy！如果俾多隻半生熟蛋我個拌飯，仲正！
薑汁龍鬚芥蘭
即炒芥蘭，夠火喉同鑊氣，芥蘭夠翠綠同清甜，咸度亦適中，帶少少薑味，岩哂落雨天涼涼嘅天氣食。
紅樓招牌炒飯，炒飯煮得好香同好入味，口感十足嘅炒飯，事關入面有蟹肉、蟹籽、菜心、叉燒粒、蝦仁、蛋花、蔥花等D飯粒粒粒分明，軟硬剛好，亦炒得夠乾身，好有咬口，同埋好入味。
濃湯鴨絲泡飯
泡飯個濃湯非常好飲，店家好貼心即蔥花、莞茜、芝麻等另上，如果食客唔鐘意的話，可以選擇唔落，泡飯同樣足料，入面有唔少GE鴨絲，另外仲可以加埋脆米，令到食客除左食到軟綿GE口感外，仲可以食到香脆口感。
杞子桂花糕
甜品賣相同樣吸睛，晶盈GE桂花糕入面有原粒杞子，入口清涼香甜，為呢一餐飯畫上完美GE句號。
今餐好滿足，係個有好西食，而又有格調GE好餐廳，而重點係係蘭桂坊黎講，價格一D都唔算高。
張貼
