kikusan (已結業)

想試左好耐既一間餐廳 終於同朋友黎食啦～我地個日係黎食係星期五夜晚食飯時間黎 大約八點左右 都好多人等緊位 等左半個鐘至九個字左右 終於到我地可以入坐～我地叫左刺身拼盤，Kikusan卷，千層豬扒擔擔麵，士多啤梨威士忌梳打。刺身拼盤 Sashimi Platter $208有三文魚，帶子，油甘魚，吞拿魚，牡丹蝦 每款各兩件。 全部都感覺係好新鮮同食落鮮甜。Kikusan卷 Kikusan Roll $82係一個卷物 裏面有青瓜，蔥吞拿魚蓉，海膽，三文魚籽 食落口感豐富 三文魚籽非常鮮甜 值得一試！千層豬扒擔擔麵 Chilli Sesame & Peanut Soup Reman With Minced Pork & Layer Pork Cutlet $78食落酥脆 師傅炸得唔錯，唔會太厚粉！ 湯底非常濃郁 有一粒粒既花生碎係湯裏面 再加埋個麵 好滿足！但豬扒就食唔到千層既感覺同埋個人覺得可以再辣小小🤣 士多啤梨威士忌梳打 $45好勁既梳打同威士忌味道 無乜士多啤梨味🤔 中意飲酒既人可以試一試。