Teru Teru Bōzu (已結業)

見到啲蒸籠，唔係飲緊茶呀，係食緊日本菜😆師傅用咗廣東手藝嘅蒸籠，配上日本壽司醋飯，再夾上海鮮嘅日本蒸飯。聽朋友介紹銅鑼灣Aura大廈裏面有一間日本菜幾好食，所以過嚟一試。當天正是女人每個月的重要日子，要吃日本菜，擔心係魚生之類生冷東西，點知見到餐牌上有steamed sushi rice, 問咗侍應係全熟的，就叫左呢個試吓。朋友仔就叫咗魚生飯。通常喺銅鑼灣食得日本菜，都係比較的骰，食唔飽，或者非常貴。但係呢個一定食得你飽。唔單止有主菜，仲有沙律，蒸蛋，湯就一定唔少得。蒸海鮮飯嚟到喇，入面有三文魚、白飯魚仔、帶子、鰻魚、蟹肉同埋冬菇。漏咗一個，仲有新鮮嘅海膽。樣樣都少少，啱晒有啲人樣樣都想試吓，而且味道可以啊，都新鮮㗎，淨係粒帶子略嫌overcook 少少。至於魚生飯，朋友都話好新鮮好好味。原來跟餐仲有一碗稻庭烏冬，都唔係馬虎㗎，煙韌的。我覺得咁嘅價錢係銅鑼灣可以食到咁嘅質素，物超所值，有機會要試吓佢哋嘅晚餐。