影片
更多
2019-06-01
147 瀏覽
是日嚟到灣仔搵食，喺囍帖街隔一條街原來開咗好多食肆，今日就黎到呢一間食fusion 菜嘅餐廳。餐廳其實係一間酒吧餐廳，有好多款雞尾酒同手工啤，大部份食物都融合左港式地道風味。先餐牌設計都好有心思，封面係參考本地塗鴉藝術家曾灶財嘅墨寶。大部分食物個名都好新奇，令人好想試。我哋就叫咗個豆豉鯪魚凱撒沙律、HA HA HA (龍蝦汁雙麵王)、同KFC (Kong Fried Chicken)，另外仲叫咗杯 Ham + 0 cocktail，係親切又笑容滿面嘅職員介紹嘅signature drink。飲品先到，Ham + 0 其實係Vodka、苦酒加咸檸檬，再配埋青檸，其實飲落幾似咸檸7，易人口，又有青檸嘅清新，真係無介紹錯。食物嚟講，我真係幾期待個豆豉鯪魚凱撒沙律，因為我真係無諗過兩者可以混埋一齊，估唔到效果又幾好喎，就等於西餐食沙律時有anchovies 一樣，不過呢個就相對無咁咸又多咗豆豉香味，真係值得一試！之後係KFC ，當然就係炸雞啦！特別嘅係佢其實係咸檸炸雞，配上酸梅醬，又係一道令人驚喜嘅fusion 菜。比起大熱流行嘅咸蛋炸雞，我覺得咸檸炸雞有一份輕盈嘅口感，少咗一份油膩，咸得嚟帶
我哋就叫咗個豆豉鯪魚凱撒沙律、HA HA HA (龍蝦汁雙麵王)、同KFC (Kong Fried Chicken)，另外仲叫咗杯 Ham + 0 cocktail，係親切又笑容滿面嘅職員介紹嘅signature drink。
飲品先到，Ham + 0 其實係Vodka、苦酒加咸檸檬，再配埋青檸，其實飲落幾似咸檸7，易人口，又有青檸嘅清新，真係無介紹錯。
食物嚟講，我真係幾期待個豆豉鯪魚凱撒沙律，因為我真係無諗過兩者可以混埋一齊，估唔到效果又幾好喎，就等於西餐食沙律時有anchovies 一樣，不過呢個就相對無咁咸又多咗豆豉香味，真係值得一試！
之後係KFC ，當然就係炸雞啦！特別嘅係佢其實係咸檸炸雞，配上酸梅醬，又係一道令人驚喜嘅fusion 菜。比起大熱流行嘅咸蛋炸雞，我覺得咸檸炸雞有一份輕盈嘅口感，少咗一份油膩，咸得嚟帶點鮮味，讚！
HA HA HA (龍蝦汁雙麵王) ，大蝦蝦子粗麵再配上龍蝦汁。粗麵配龍蝦汁都係第一次，蝦子麵麵條彈牙，兩蝦連殼大蝦肉質都爽口，雖然龍蝦味道未算係好突出，但整體嚟講醬汁同麵條味道好夾，係正嘅！
下次再嚟我一定會試下其他cocktail，繼續發揮冒險精神，滿足一下好奇心！
張貼
