kikusan (已結業)

今次要介紹嘅餐廳係喺香港有兩間店嘅Kikusan，主打上海菜同日式菜嘅fusion菜式。Kikusan卷 $78見好多人都推薦依款菜式，加上用自己餐廳名作為菜式名都應該係成名菜，所以就決定試下。外觀方面頗有衝擊力，有八個吞拿魚蓉卷上面加上唔少份量嘅海膽，再喺四周布滿三文魚子同蔥花，份量充足。味道方面吞拿魚蓉同海膽都極為美味，惟三文魚子唔夠結實較為失色，整體而言仍是極為抵食嘅菜式。炭燒牛肉配飯 $158一款午市定食，前菜有小籠包同菠菜蝦餃，兩款都係新鮮出爐熱辣辣，食嗰陣時要小心，用料亦都好充足，蝦餃餡料嘅菠菜同蝦令人有驚喜嘅配搭，質素亦都唔錯。相反，炭燒牛肉就相對令人失望，牛肉好薄，炭味比牛肉本身嘅味道仲重，只有沾返醬汁先較容易接受。依款午市定食唔算抵食，建議大家可以試下其他菜式。