Tapas Brew (已結業)

小店充滿Barcelona tapas bar風情，舖頭唔大，入口就係酒吧，擺滿酒瓶，坐吧位氣氛最好，見到開放式廚房。身在西班牙餐廳，當然點西班牙啤，巴賽來的啤酒，有麥香，大啤酒杯，可飲成晚，賣$56好合理。小吃餐牌簡單易明，十款八款貴精不貴多，茴香蜜汁蒜蓉雞翼好有fusion感，個名已經告知醃料，調味用小茴粉及辣椒粉，亦用蜜汁蒜蓉，中西合璧，無可能不是味道豐富，焗得都脆，甜香的味道。地道蒜蓉㰖油蝦，雖然話地道，但炸蒜片炸到超級香脆，又似地道做法，高溫把蒜香蝦香滲入橄欖油內，沾了油的蝦，特別香惹。西班牙燴蜆，以檸檬酸橄欖油浸，味道清新，蜆肉清甜，材料本地。