Greyhound Café (新城市廣場) (已結業)

今日同男朋友去左沙田果邊食野，揀左食greyhound,喱度嘅環境都幾有feel ,坐都坐得好舒服啵！ 小食我地叫左薄切三文魚配泰式辣汁同埋招牌脆炸單骨雞翼，個三文魚好好食，佢上邊有一啲蒜頭，配埋個泰式辣汁食非常之惹味，而且個三文魚好新鮮。完全冇諗過三文魚係可以配泰式嘅辣汁，呢個係會再食之選。個雞翼炸得非常之香口，又唔會太熟，仲有少少肉汁，份量亦都非常多，好味！主菜方面我哋就叫咗泰式部隊鍋麵同埋淡淡蟹肉黃咖喱飯！首先想講下呢嗰個蟹肉黃咖喱飯，真係好有驚喜，因為勁多蟹肉，而且個咖喱唔算太辣，有陣陣椰香，最出色係佢配埋一個辣嘅魚露食，就更能將味道帶出，當中仲有一個鹹菜瘦肉湯，呢個湯真係好好飲，勁甜，完全冇落味精，配埋個蟹肉飯食，可以解膩，呢個飯真係極之好味！而個泰式部隊鍋麵味道都非常好，而且有好多海鮮， 例如蝦，帶子，青口，個湯底亦都唔算太辣。食完主菜當然係要食甜品，我哋叫咗兩款口味嘅千層蛋糕，分別係椰子千層蛋糕同埋泰茶千層蛋糕，因為呢兩種口味都比較特別，係出邊都難搵到。個椰子千層蛋糕好香椰子味，而且仲有少少嘅椰肉，個cream有好smooth !而個泰茶味道亦都非常好，好濃郁，唔算太甜。