Mad for Garlic (已結業)

今晚來到了這間韓式Fusion菜餐廳，主打食蒜！炸蒜片薄餅：看了openrice，似乎這個是每個食客都必點的菜式，所以我們都要一試。Pizza的主要配料是蝦仁和菠蘿，並在表面放滿了大量的芝士，以及這間餐的招牌炸蒜片。餅底超薄香脆，仲有淡淡的牛油和蒜香，完全沒有想過炸蒜可以和pizza咁match。一定要趁熱食，凍咗之後餅底就會煙煙韌韌，冇咗香脆的口感。秘製豬腩肉配牛油餡角：這個是朋友的選擇，平日的我很怕肥膩的豬腩肉，但這間菜與我原先想像的有很大反差。食法是將肉沾上以蒜配製的醬汁，加上洋蔥、蘑菇、蒜片等，夾在烤餅內。菜式配以兩種醬料，包括韓式風味醬和蒜香乳酪醬，我自己非常喜歡韓式風味醬，非常野味，很配合這個烤肉夾餅！焗脆糖漬蒜蘋果金寶：Apple crumble好多地方都會有，但這裡的就加入了以糖醃製過的蒜，非常特別。酸酸甜甜的蘋果，配以餅碎、提子乾、香脆的蒜片一起食，再加上雲呢拿雪糕，十分滿足，為這頓晚餐寫上完美的句號。