Mad for Garlic (已結業)

鍾意食蒜蓉嘅朋友不妨去試吓！主打用唔同既蒜頭去製作菜式，果然同佢鋪頭嘅名十分好夾！我哋三個人總共叫咗三個餸包括有店內嘅重量級推介牛扒，青口配法包，同埋意粉。牛扒方面唔會好硬亦都有肉汁，而且亦都有好多炸蒜喺上面，認真唔錯。而我自己特別鍾意佢個青口配法包，白汁味道好濃，配埋法包就岩岩好。總括嚟講三道餸嘅味道都唔錯，份量適中，整體而言就偏濃味少少！但個人來講呢就唔係特別鍾意食個tiramisu ，味道一般。如果唔想食九龍塘嘅Food Court，又想近近地睇戲之前食嘢呢間餐廳都係唔錯嘅選擇，員工嘅服務態度亦都幾好。