四十一冰室 (已結業)

美荷樓變身青年旅舍, 內有一間冰室House 41. 剛好尋晚深水埗行完街, 想起去呢間冰室晚餐。大家注意冰室係自助形式, 到櫃檯點餐, 取餐, 餐後需自行收拾托盤~!!! 冰室的裝修好有味道, 第一次去既朋友不妨花時間看看每個牆身既裝飾~ 可能唔係太多人知道呢度有餐廳既關係, 人流唔算密集, 靜靜地坐低傾下計真係好正! 食物點了一客漢堡一客羊架. 漢堡幾好食, 羊架帶點點羶. 薯條值得一讚! 即使放涼了但仍然係脆脆的, 好好味呀~~!