漁牧 (已結業)

韓國朋友黎香港懷免做交換生嘅大學生活，相約係尖沙咀晚飯。放左工急急腳係新界碌出城，黎到嘉拿芬廣場二樓嘅漁牧，朋友食過話唔錯，一於試下佢朋友訂位時問洗唔洗預訂老北京烤鴨，話可以幫手預留，點知轉個頭又話無晒，唯有下次先試啦。韓妹嗜辣，所以我地叫左個spicy hot 嘅海鱸魚，好快就送到，上枱一刻見倒鋪滿密麻麻嘅辣椒🌶️，知道唔惹小。海鱸魚稍為煎香再煮，肉食都幾結實，配以香辣味好刺激。食完魚可以再加其他食物打邊爐（正確黎講都唔算打邊爐，因為選配嘅食物都係廚房加熱左先，怕爐火熱唔起，所以只可配簡單食物），呢度有少許失色呢。除左魚，我地仲叫左兩份前菜，分別係糖醋排骨（硬左少少）同埋醬油皮蛋（外國人點都要試下，呢係好味喎），仲有叫左1/4 隻 bb豬，bb豬好嫩口，配三隻醬汁食好好味，底下嘅蔥油飯亦不錯。整體黎講其實佢個魚就唔夠其他鋪頭咁出色，而佢餐牌上嘅菜色都屬gimmick，希望下次試倒款主菜係佢嘅主打啦