Infiniti C (已結業)

Bookmark左好耐嘅餐廳，早排大熱嘅Gluten free飲食，Gluten free 即無麩質，聽說無麩質對人體更好，但中意打卡嘅我，梗係因為餐廳嘅設計同埋食物嘅外貌而去啦上次過嚟嘅時候撞啱係星期五太多人排隊放棄左，今次特登揀咗閒日去，等左10分鐘到就有位。一心諗住食招牌蝶豆花伯爵茶蛋糕，去到竟然賣曬嗌左一份咸點一件蛋糕一杯飲品蟹肉沙津牛油果burger,佢嘅漢堡包唔係真係用麵包做，係用咗牛油果去做佢嘅包皮，中間包住嘅蟹肉沙律味道好清新，推介！蛋糕唔會太甜，雖然係Gluten free,但口感都唔太差，不過藍莓latte就飲唔到藍苺味。