Go Dutch Cafe

營業中

休息中

今日一支公去左Go Dutch Cafe食返個簡單午餐，Go Dutch Cafe係位於登打士廣場既樓上cafe。餐牌有二人餐，12款意粉，肉類套餐。套餐包一杯$40飲品，可補差價轉其他飲品。其他食物仲有沙律，小食，薄餅，漢堡包，早餐，班尼迪，串燒，甜品。尋日大食完仲飽，今日要食返清淡少少，主攻蔬菜水果。煙三文魚沙律 $78 另加一煙三文魚4塊放得似一朵花，賣相唔馬虎。煙三文魚沙律係沙律菜底撈埋醬汁，再加上碎芝士片同煙肉碎，有少少咬口。醬汁可以揀意大利松露黑醋或者凱撒沙律醬，我揀咗前者，甜甜地好好味，仲有微微松露味。芝士煙肉忌廉焗椰菜仔 $58 另加一椰菜仔整得好腍，原來除咗椰菜仔，仲有紅蘿蔔仔，忌廉汁適量，上面加上鹹鹹地既煙肉片，芝士粉同香草，健康得黎味道都唔錯，絕對係一個好味健康小食。熱帶雜果水果茶 凍 $68 另加一熱帶雜果水果茶超大壺，用一塊迷你木板上枱連小匙羹。味道係清甜橙汁中帶微微蘋果，青檸，同熱情果味道，解渴健康，水果明顯新切。座位舒適，音樂輕鬆，一個人都可以好自在。