Gochi (已結業)

🥢今日經過樂富，見到間Gochi，招牌寫住 pizza & pasta，跟住就上OpenRice睇下有咩食，點知寫住日本菜同埋意大利菜🤨 就係因為咁佢是我入去試吓，究竟呢間餐廳究竟係整日本菜定係意大利菜呢？ 原來… ✨ 黃金海膽意粉呢個意粉送到嚟嗰陣散發住海膽嘅鮮味，成個意粉都係用海膽製成，每一條意粉都掛咗佢哋嘅海膽汁，係一道唔常見好特別嘅菜式 ✨ 野菌煙肉薄餅 Pizza有香脆薄嘅感覺，濃郁嘅野菌味係烤緊嘅期間已經聞到，而煙肉夾埋野菌嘅配搭，中和左本身嘅咸味，香菇濃郁， 仲有超邪惡嘅芝士拉絲😈 ✨ 草莓仙子 呢杯特食飲落似草莓牛奶，其實係latte嚟，加上超厚奶蓋，超級creamy，而且充滿新鮮士多啤梨嘅果味。 ✨ 招牌提拉米蘇招牌甜品提拉米蘇一定要試，建議杯底部蛋糕可以加多少少， 咁就更加perfect 了。好中意佢地嘅cream cheese ，厚度恰到好處，加埋表面朱古力粉一起食，正！