影片
更多
2024-05-16
453 瀏覽
已經唔係第一次到日本過江龍拉麵店「GOGYO五行」用膳，而作為海鮮控嘅我如今再次光臨，絕對係衝住餐廳嘅期間限定「濃厚龍蝦沾麵」而嚟。雖然餐廳係拉麵店，但地方寬敞又舒服，環境上就結合咗日式居酒屋同西式酒吧嘅設計。餐廳除咗有提供拉麵和沾麵外，亦有不同嘅佐酒小食、壽司、主菜、甜品同手工啤酒等食物同飲品。濃厚龍蝦沾麵龍蝦沾麵絕對不負我所望，原條龍蝦尾以慢煮方式烹調，入口爽彈又鮮味十足，龍蝦尾亦早已拆肉以方便進食，餐廳實在非常細心！湯底濃郁而不失鮮甜同鹹香味，滿滿都係海老同埋豚骨嘅精華，配上爽彈嘅麵條就可以完美地掛滿湯底嘅精華。其實湯底嘅原味已經好濃郁，餐廳仲額外提供海老味噌，令湯底嘅鮮味變得更有層次！沾麵更配搭咗叉燒、芝士脆餅、半熟玉子、紫甘藍泡菜、水菜同巴馬臣芝士，豐富得嚟又有層次！食完沾麵仲可以將飯加入湯底之中而變成燉飯，芫荽更可增添清新嘅元素，食落去都特別滋味！焦香味噌和牛三文治麵包烘至香脆可口，而牛肉則用上鹿兒島和牛，入口肉味香濃而充滿脂香感，配上鹹香嘅味噌就已經好好味，再配以旁邊甜甜酸酸嘅芥末就變得更有層次，又有解膩嘅作用！自家製免治雞肉雞肉肉質鬆軟而充滿肉香味，內裏夾雜咗香蔥，食落
已經唔係第一次到日本過江龍拉麵店「GOGYO五行」用膳，而作為海鮮控嘅我如今再次光臨，絕對係衝住餐廳嘅期間限定「濃厚龍蝦沾麵」而嚟。
雖然餐廳係拉麵店，但地方寬敞又舒服，環境上就結合咗日式居酒屋同西式酒吧嘅設計。餐廳除咗有提供拉麵和沾麵外，亦有不同嘅佐酒小食、壽司、主菜、甜品同手工啤酒等食物同飲品。
濃厚龍蝦沾麵龍蝦沾麵絕對不負我所望，原條龍蝦尾以慢煮方式烹調，入口爽彈又鮮味十足，龍蝦尾亦早已拆肉以方便進食，餐廳實在非常細心！湯底濃郁而不失鮮甜同鹹香味，滿滿都係海老同埋豚骨嘅精華，配上爽彈嘅麵條就可以完美地掛滿湯底嘅精華。其實湯底嘅原味已經好濃郁，餐廳仲額外提供海老味噌，令湯底嘅鮮味變得更有層次！
沾麵更配搭咗叉燒、芝士脆餅、半熟玉子、紫甘藍泡菜、水菜同巴馬臣芝士，豐富得嚟又有層次！食完沾麵仲可以將飯加入湯底之中而變成燉飯，芫荽更可增添清新嘅元素，食落去都特別滋味！
焦香味噌和牛三文治麵包烘至香脆可口，而牛肉則用上鹿兒島和牛，入口肉味香濃而充滿脂香感，配上鹹香嘅味噌就已經好好味，再配以旁邊甜甜酸酸嘅芥末就變得更有層次，又有解膩嘅作用！
自家製免治雞肉雞肉肉質鬆軟而充滿肉香味，內裏夾雜咗香蔥，食落去就更為清新可口，配上日本蛋黃後，入口更為濕潤又creamy，味道亦變得更為豐富！
生菜明太子豚腩卷脂香感十足嘅豚腩充滿肉香味之餘，又不油膩，配上鹹香嘅明太子同爽口嘅生菜不但增添清新嘅感覺，亦令口感更為豐富，三者配搭得宜又好味！
鹽味豚腩豚腩入口鹹香，肉香味十足，而肉香味之中又不失脂香感，口感爽彈又惹味！
整體而言，今次用餐後發現餐廳食物質素不但有水準，更比早前到訪嘅時候進步了不少！而服務更加係非常貼心，不時留意我哋嘅需要，又不時主動詢問我哋嘅意見，可見餐廳力求進步，絕對值得稱讚！
張貼
