alfafa (樂富廣場A區)

營業中

休息中

2021.12.28 Tuesday breakfast呢一天放假，走咗嚟呢度食早餐😁 一入去，感覺超良好，又早晨又笑容😃 客戶服務態度真係好，要讚👍🏼👍🏼手機點餐，正！仲要有埋餐牌，可以慢慢揀。都幾多選擇，包都兩、三款揀😀 女友當然揀佢至愛嘅奄列：G7-三文魚鮮菠菜芝士奄列，佢有一個叫 G4-Pick’N Choose，有六款揀三，我揀蛋、煙肉、蘑菇，要芝麻包。飲品可以遲上，真係好，真細心🥰 我倆都好鐘意差唔多食晒嘢先飲，因為又只飲熱飲，唔想放到凍哂😁有得食喇！都唔錯吖！係女友個三文魚奄列細咗啲又冇咩餡料😏 個牛角包都幾靚，又算大個。而我個份，多咗兜粟米添，個芝麻包就細個啲，好想有兩個，好味㗎😋餐茶女友要錫蘭奶茶，我要即磨咖啡。 奶茶好飲啲，我個人就麻麻哋呢種咖啡，濃咗啲又唔夠香。