真心 (已結業)

今日早左放工去左soho ,happy hour又未開始就四圍行下諗住食d野，見到有間新開既日本餐廳就入去食啦！環境不錯，牆壁上畫上日本style既壁畫，好有日本風格！魚的名籽，呢個名好可愛吸引到我，原來係三文魚and三文魚籽飯！份量都唔細架，三文魚係厚切，色澤非常之令，油花分佈平均，入口綿滑，非常新鮮，三文魚籽粒粒晶瑩剔透，咬落清爽，令到個飯更有口感！ 食完個飯仲想食多件串燒就叫左個日本和牛串，和牛肉質juicy ,油香十足，調味足味！仲叫左個小甘薯串，味道甘甜，入口香濃！呢度位置都好方便 下次可以試下黎呢度食lunch !