阿叔泰麵 (積信街) (已結業)

今日去朋友屋企玩，佢介紹附近呢間泰國餐廳話性價比幾高，於是一齊去食下。一入門口見到雖然舖面細細，但裝修都好有泰國特色。我同朋友一人叫咗一個套餐，我果個蛋炒咖哩蟹肉飯淨係睇個賣相已經有驚喜，個汁唔會太鹹太辣，食得出蛋香同蟹肉嘅鮮甜味，夏天食都唔會食到成身汗。另外真係要讚下杯特飲凍泰式綠奶茶，品道好清新，飲得出係特別調製，唔會死甜，好有東南亞風味，夏天飲真係幾消暑。試咗少少朋友個金邊粉，同出面其他餐廳嘅好唔同，啲粉幾彈牙好有口感，難怪店員會推介，美中不足係牛腩韌咗少少。整體而言呢餐算係性價比高，而且食物調味適中，食完唔會覺得好口渴。