裕發茶餐廳 (已結業)

今日早早地，食左個早餐。但其實唔洗太早都有得食，因為賣到12點。叫左沙嗲牛肉公仔麵，雙蛋方包同茶走。個麵唔錯，夠彈牙，夠爽滑，師傅有料到，剛剛熟，唔會‘林’曬，又唔會生麵。沙嗲牛肉唔算好多，但係就好夠味，少少就可以送一大淡麵。煎雙蛋夠香口又唔會‘窿’，個蛋黃中間仲有少少生，濕濕地真係好正。方包就有少少乾身，但中間啲牛油都足夠可以濕潤返個麵包。叫左杯茶走，最喜歡佢甜香滑集於一身。基本上茶記奶茶都係無得輸。