Cafe Library by Espuma (已結業)

是日路過沙田，行到肚餓，所以搵野食上到高層路過好多間餐廳都無乜野啱食，正打算走人，就見到呢間餐廳。佢以粉紅色做主題，好靚，好吸引，所以就入去食。本身見到二人餐，有啲興趣，不過588未加一，又覺得有啲貴，所以無叫到，散叫咗一個Pizza同兩個雪糕水果窩夫。食物整體都算幾好食，Pizza Parma ham好好食, 但火箭菜偏多,比較苦。而芝士同菇嘅比例做得幾好，好食😋至於兩個窩夫，啲生果有好多種類，雪糕都好味，有啲驚喜。可惜窩夫個質地同口感有少少奇怪，同平時食開嗰啲唔同。雖然都係偏貴，但員工有禮貌，服務態度很好，整體感覺良好，所以下次都會再幫襯。