登堂 (已結業)

#ftf_觀塘Good Vibe Bar × 誠意扒房餐廳位於The wave 2樓全層，空間感十足，環境氣氛超好！一入到去見到個酒櫃，試問點可以唔飲返杯？對於選擇困難症嘅我，糾結緊飲手工啤定係Prosecco，於是我就問店員，佢哋都好耐心了解完我口味再作推薦，服務態度一流！炭烤伊比利亞黑毛豬鞍 $378⭐️⭐️⭐️⭐️黑毛豬七成熟，火候控制啱啱好，肉質軟腍又多汁。千層薯意外地出色，應該加咗少許醋帶微酸。南瓜蓉順滑，配上薄脆片，口感更多層次！黑毛豬火腿菠蘿披薩 $198⭐️⭐️⭐️⭐️本身糾結緊食homemade pappardelle 定handmade pizza~ 作為煙靭控，最關注就係口感，佢先見完推薦食pizza，雖然佢話係薄批，但脆得黎都煙靭，果然冇令我失望！雖然厚批我會更加開心，但邊邊位的確有咬口，手工Pizza見誠意，有麥香，整體味道配合得宜！Tokyo white $32⭐️⭐️⭐️⭐️⭐️係店員推薦我飲嘅手工啤，夠晒清，好啱我口味！Chardonnay $38⭐️⭐️⭐️⭐️酒水會唔會太平？超抵飲！係我飲得到嘅白酒，佢唔會酸！🍴Downtown 登堂📍地址：觀塘興業街4號The Wave2樓回頭率🤡