御藏 (已結業)

喺灣仔地鐵站同電車站附近嘅御藏西日式外賣專門店，地理位置上係非常之方便，之前食過佢嘅飯，意大利蕃茄飯或者咖喱飯，甚至炒飯，都只係$40幾至＄60幾，勁抵食之餘，且味道很好。同埋選擇真係勁多，相比起其他連鎖店，呢度已經係我地同事間外賣嘅首選。臨近聖誕新年想豪一豪，所以今次揀咗個海膽三文魚刺身飯＄82，包埋嘢飲，可以選擇日式麵鼓湯或汔水。呢度嘅嘢全部即叫即整，呢個飯賣相唔錯架，而刺身好有驚喜，我會用「A grade」去形容佢嘅三文魚同海膽：🍣三文魚厚切，口感肥美，肉脂豐厚，簡直媲美酒店水準咁好味；海膽同樣出色，完全冇腥味，更帶點甘香，多兩片就好啦😝😝實在太美味了！其實呢度嘅壽司同樣掂👍🏻👍🏻每樣試一次都有排。。。