影片
更多
2022-05-16
105 瀏覽
大家如果有follow我既post，可能都知道我係非常鍾意食甜品，而班戟就係我其中一款最鍾意既食品。所以尋日食完，今日又食。今日去左Gram cafe & pancakes食班戟做下午茶。呢度主打日式班戟，有鹹班戟同甜班戟揀，選擇好多。除咗班戟，呢度都有其他野如三文治，法式多士，雪糕，雪花冰，沙冰，梳打，咖啡，茶，果汁。另外都有午市套餐。今日又食經典口味甜班戟先。意大利芝士蛋糕班戟 $118 另加一意大利芝士蛋糕班戟將班戟同Tiramisu合體，造成一款超大個既班戟Tiramisu 蛋糕。佢由三塊滿布朱古力粉既招牌鹹鹹地既熱香餅班戟夾住兩層厚厚既vanilla 吉士醬，上面再加D vanilla 吉士醬點綴，最後灑上大量咖啡粉同朱古力粉，真係成隻碟都係滿滿嘅朱古力粉。三層鹹熱香餅班戟加香滑吉士醬同大量朱古力粉一齊食味道又可以，唔算太甜，又有多重口感。焦糖香蕉班戟 $98 另加一焦糖香蕉班戟相對就清淡d。鹹鹹地既熱香餅班戟一客三塊，撒上唔少糖霜，今次可能糖霜份量多左，食落明顯冇咁鹹。熱香餅温度係暖暖地。配有一大pat超香滑既忌廉，仲有少少楓糖漿，個人鍾意配香甜滑溜忌廉多過配楓糖漿。另有一
今日去左Gram cafe & pancakes食班戟做下午茶。呢度主打日式班戟，有鹹班戟同甜班戟揀，選擇好多。除咗班戟，呢度都有其他野如三文治，法式多士，雪糕，雪花冰，沙冰，梳打，咖啡，茶，果汁。另外都有午市套餐。今日又食經典口味甜班戟先。
意大利芝士蛋糕班戟 $118 另加一
意大利芝士蛋糕班戟將班戟同Tiramisu合體，造成一款超大個既班戟Tiramisu 蛋糕。佢由三塊滿布朱古力粉既招牌鹹鹹地既熱香餅班戟夾住兩層厚厚既vanilla 吉士醬，上面再加D vanilla 吉士醬點綴，最後灑上大量咖啡粉同朱古力粉，真係成隻碟都係滿滿嘅朱古力粉。
三層鹹熱香餅班戟加香滑吉士醬同大量朱古力粉一齊食味道又可以，唔算太甜，又有多重口感。
焦糖香蕉班戟 $98 另加一
焦糖香蕉班戟相對就清淡d。鹹鹹地既熱香餅班戟一客三塊，撒上唔少糖霜，今次可能糖霜份量多左，食落明顯冇咁鹹。熱香餅温度係暖暖地。配有一大pat超香滑既忌廉，仲有少少楓糖漿，個人鍾意配香甜滑溜忌廉多過配楓糖漿。另有一隻香蕉切開兩邊，再舖上一塊薄脆焦糖片。最後伴有少量合桃增添口感。
餐廳喺尖咀大商場，地點方便。餐廳係開放式環境，有好多綠色植物裝飾，感覺綠化。
張貼
