素食一家 (已結業)

流行的Green Monday，我改到Thursday，想吃個素，就來了這家rating不錯的店，主要用天然食材和自家製，逢星期三仲會將部份營業額作慈善用途，要支持下良心企業。晚上7點半來已經爆滿，不只有老人家，還有很多年青人聚會，茶位$6。菜式選擇都幾花巧，不是傳統老式的，有大師手工菜，不一樣的感覺，吃素也可以吃得很講究。西檸焗猴頭菇($85)菇質地厚實，口感似雞肉，炸得乾身香口，配酸甜的檸汁，似西檸雞，食到停唔到口！香煎自家野生竹笙腐皮卷($88)賣相精緻，自家製的腐皮卷，面層脆卜卜，新鮮煎的，食出鮮味，餡料爽脆有野生竹笙、木耳絲、菇菌，菜心也有質素，夾住腐皮卷食，不覺油腻。腰果百合炒淮山($82)組合營養豐富，仲有荷蘭豆、紅黄椒炒，非常健康！白飯($12/碗)薑茶菊花($38/1位用)用藍白清花瓷的小杯子來盛，有種矜貴的格調，將滑嫩的豆腐切成菊花形，刀巧也是太厲害了，像藝術品一樣，而薑湯用老薑煲，味道夠辣，薑味十足。