隨然有機玄米菜食料理 (已結業)

因為其中有一位朋友係素食者，所以我地今次黎左依間有機素食餐廳食晚飯，齊齊Green Monday。間中食下素食對健康都好。我地叫左4個主食，加一個小食。每款食物清淡得黎都幾香，唔錯，而且每款食物都色彩繽紛，唔會覺得食素好悶。洋食：蕃茄長通焗南瓜藜麥呢個整得好fresh，南瓜同藜麥好夾，意粉有嚼勁。All Day Breakfast份量並唔多, 但都有成8款食物，有豆腐、羽衣甘藍、菇、腰果、米餅、天貝、南瓜、豆。本茹醬油唐辛子意大利麵意粉質感煙韌，本菇香軟，份量足夠，味道帶辣。自家製日式咖哩飯有天貝、秋葵、茄子！天貝黃豆餅煎過，更添美味，咖喱汁有少許辣辣地。蕃茄醬燴素丸 職員話素丸係用蓮藕整出黎，個賣相真係好似肉。