影片
更多
2016-11-13
1251 瀏覽
之前對呢間Grill都略有所聞，今晚就嚟食下。佢係外賣為主，堂食就只有立食位，見到隔離舖晌度裝修緊，原來都係屬於呢間餐廳，而且設有座位，即係話下次再嚟食串燒嘅話就可以坐入去食喇。串燒款式有十五款，其中肉類比率佔咗五分四。原本我哋係想晌度食，不過因為有啲特別事，唯有改為外賣。拎到返去時串燒已經凍咗，我哋就用微波爐略為翻熱先食。串燒大部份都係用香茅等調味，單食都夠味，亦可蘸佢哋提供嘅醬汁嚟食。牛仔骨，肉有油香。魷魚鬚，都幾彈牙。白鱔，魚皮有焦香，肉嫩滑。豬頸肉，爽脆唔癡牙。雞肉，都算鬆化。牛肉，唔知係咪同我哋自己翻熱有關，肉質變得唔易咀嚼。菠蘿，基本上係不敗嘅燒物，甜香多汁，又可消滯。有機露筍，脆口無渣。一向鍾意蘸醬嘅我見佢哋有多達十款醬汁，確係非常期待，以為可以自己揀，原來係由佢哋依串燒類別嚟發放。試咗其中七款：泰式紅雞醬，甜甜哋，相對起嚟比較常見。青咖哩醬，微辣，比黃咖哩更香更惹味。沙嗲醬，清楚睇到香葉、辣椒同花生碎。芫茜酸辣醬，有頗多芫茜、辣椒同蒜蓉，非常有辣勁而持久。烤牛肉醬，入面有辣椒同香蔥，帶啲辣度。青辣椒醬，青辣椒再加蒜蓉，辣而酸香。黃咖哩醬，以甜香為主。呢次試過嘅串燒之中我
之前對呢間Grill都略有所聞，今晚就嚟食下。
佢係外賣為主，堂食就只有立食位，見到隔離舖晌度裝修緊，原來都係屬於呢間餐廳，而且設有座位，即係話下次再嚟食串燒嘅話就可以坐入去食喇。
串燒款式有十五款，其中肉類比率佔咗五分四。原本我哋係想晌度食，不過因為有啲特別事，唯有改為外賣。拎到返去時串燒已經凍咗，我哋就用微波爐略為翻熱先食。
串燒大部份都係用香茅等調味，單食都夠味，亦可蘸佢哋提供嘅醬汁嚟食。
牛仔骨，肉有油香。
魷魚鬚
25 瀏覽
0 讚好
0 留言
白鱔
15 瀏覽
0 讚好
0 留言
豬頸肉，爽脆唔癡牙。
雞肉，都算鬆化。
牛肉，唔知係咪同我哋自己翻熱有關，肉質變得唔易咀嚼。
菠蘿
16 瀏覽
0 讚好
0 留言
有機露筍，脆口無渣。
泰式紅雞醬、青咖哩醬、沙嗲醬、芫茜酸辣醬、烤牛肉醬、青辣椒醬、黃咖哩醬
32 瀏覽
0 讚好
0 留言
泰式紅雞醬、青咖哩醬、沙嗲醬、芫茜酸辣醬、烤牛肉醬、青辣椒醬、黃咖哩醬
29 瀏覽
0 讚好
0 留言
泰式紅雞醬，甜甜哋，相對起嚟比較常見。
青咖哩醬，微辣，比黃咖哩更香更惹味。
沙嗲醬，清楚睇到香葉、辣椒同花生碎。
芫茜酸辣醬，有頗多芫茜、辣椒同蒜蓉，非常有辣勁而持久。
烤牛肉醬，入面有辣椒同香蔥，帶啲辣度。
青辣椒醬，青辣椒再加蒜蓉，辣而酸香。
黃咖哩醬，以甜香為主。
呢次試過嘅串燒之中我最欣賞白鱔、魷魚鬚同菠蘿，雖然唔係即時食，但味道同口感仍然唔錯，如即場食嘅話應該仲好。若要為有辣度嘅醬汁分級嘅話，我覺得青咖哩醬同烤牛肉醬較輕微，其次係青辣椒醬，當中以芫茜酸辣醬最辣，佢嘅辣令我有想一蘸再蘸嘅感覺，對我嚟講非常吸引。
張貼
