Häagen-Dazs (太古城中心)

營業中

休息中

餐廳：Häagen-Dazs地點：太古城中心菜式：雪糕為左慶祝生日，早幾日訂左個雪糕蛋糕。粉紅佳人 (Regular) $569呢款蛋糕係新口味，貪顔色係迷人粉紅色，女仔摯愛！粉紅色加白色鏡面，面頭有一粒原粒粉紅色馬卡龍，原粒白色馬卡龍同兩片粉紅色馬卡龍，加上三朵花型糖霜，珍珠同忌廉，下底圍邊有好多粉紅色糖霜。造型上係唔錯。雪糕係新口味士多啤梨紅桑子馬卡龍雪糕，係士多啤梨雪糕拌入紅桑子軟心醬同粉紅馬卡龍，味道主要係士多啤梨同紅桑子味，滑溜兼味道唔錯，不過應該要多d馬卡龍先切合返主題。面頭馬卡龍無論有餡定無餡都算脆，有餡既就其實得忌廉。鏡面就少少偏甜，下底有一層忌廉先到雪糕。糖霜裝飾就當然唔好食。而家Häagen-Dazs雪糕蛋糕貴左好多，連訂製朱古力牌都無。蛋糕口味又無得揀，真唔明點解唔可以有些少flexibility。包裝好實正，個蛋糕我地攞左4個鐘頭先食都仲硬。