影片
更多
2006-12-03
8 瀏覽
2.12.2006 (Sat)今日，我同男友補祝生日，之前我上openrice網站睇餐廳食評，最後揀喱間餐廳。之前我都去過埃及和希臘，都試過中東菜式。間餐廳佈置都幾有特色，氣芬唔錯。侍應服務非常好，我8:35 p.m.埋單時，佢主動話比我知8:45 p.m.左右會有個肚皮舞蹈，叫我睇埋先走，very nice!!!!!!喱度食物水準高，份量亦好足，我隔離一大班外籍人士，個個都話very nice，而且佢已經過幾次！之前睇食評時，個個都話如果揀2個set dinner會食唔晒，於是我要1個set dinner，再另外叫1個main dish及2杯cocktail。個set dinner包1個湯、1碟什錦拼盤、中東麵包、1個main dish(11揀1) - 有牛、羊、雞、魚......仲有是日甜品。MON - THUR ($250 per set); FRI - SUN ($290 per set)由於，我唔食牛同羊，所以我揀魚同雞。Set dinner:- 什錦拼盤1. 有5款用不同豆製成特色醬，塗在中東包上食，味道一流。2. 什菜沙律3. 醬汁肉丸4. 2件得意餅食(1件有
今日，我同男友補祝生日，之前我上openrice網站睇餐廳食評，最後揀喱間餐廳。之前我都去過埃及和希臘，都試過中東菜式。間餐廳佈置都幾有特色，氣芬唔錯。侍應服務非常好，我8:35 p.m.埋單時，佢主動話比我知8:45 p.m.左右會有個肚皮舞蹈，叫我睇埋先走，very nice!!!!!!
喱度食物水準高，份量亦好足，我隔離一大班外籍人士，個個都話very nice，而且佢已經過幾次！
之前睇食評時，個個都話如果揀2個set dinner會食唔晒，於是我要1個set dinner，再另外叫1個main dish及2杯cocktail。
個set dinner包1個湯、1碟什錦拼盤、中東麵包、1個main dish(11揀1) - 有牛、羊、雞、魚......仲有是日甜品。
MON - THUR ($250 per set); FRI - SUN ($290 per set)
由於，我唔食牛同羊，所以我揀魚同雞。
Set dinner:
- 什錦拼盤
1. 有5款用不同豆製成特色醬，塗在中東包上食，味道一流。
2. 什菜沙律
3. 醬汁肉丸
4. 2件得意餅食(1件有香草味、另1件有少少cheese)
- Fresh seabass (鱸魚) with tomato, bell pepper and red onion
(汁超正，鱸魚好滑)
- Spring chicken filled with a mixture of wheat berry and fresh dates
(雞煎得好香口，雞內包著一小麥、棗蓉和果醬，一粒粒，好有質感，好特別)
- 2杯cocktail
(橙色- Habibi Forever，有vodka，其實酒味唔濃。
綠色- 冇酒、有少少薄荷，唔記得咩名)
- 甜品
其實之前去過希臘，知道中東甜品勁甜。不過今次未係超甜，但都係甜架啦！酥皮包著nuts，maybe有honey，我都唔知咩，但試無妨。
間餐廳一入門口左手邊有個特別座位(洞穴型設計的小室) ，不過我嫌迫，想坐得舒服，所以冇坐，有興趣訂位時可要求。
(如果想試特色異國菜式，不妨試Habibi(佢隔離有間Habibi cafe - 有中文MENU，我唔知係咪同一集團，千萬唔好入錯。Habibi裝修靚好多，全英文MENU和對答，但真係值得一試。)
張貼