HABITŪ table (已結業)

今日係銅鑼灣行街行到攰搵間餐廳食下野休息下，呢間habitu人少少，環境又幾舒適，一於就呢間！我地叫左一個carbonara一個薯條個一件玫瑰千層蛋糕🍰，本來諗住食完主食先食甜品，點知佢一黎就上蛋糕，算啦唯有食左先啦！千層蛋糕都唔錯，唔會太甜太膩，cream都夠滑，但係玫瑰味就唔係咁岀，好似只係有幾片乾玫瑰花瓣係面，個人都係鐘意另一間嘅千層蛋糕多啲！卡邦尼意粉就比想像中細，不過味道幾好，個汁都足夠亦好creamy！薯條配黑松露蛋黃醬份量都ok，薯條分別係薯仔同蕃薯，炸得好脆，蕃薯條甜甜地幾好味，而薯條同個醬好夾，食到停唔到口！