大榮華圍村菜 (已結業)

Lunch時間要有位食飯最保險梗係去飲茶，灣仔區新開返既酒樓大榮華就剛剛有位，味講住、食左先講！靚位靚位，小開放廚師旁邊可以見到「不」野食既過程。有幾樣野要同大家分享下。第一係個奶撻，入面個餡都幾香滑，又唔算太甜。但最唔好既地方就係撻皮非常淋，一攞上手幾乎就散曬啦。而且唔係某一個撻係咁，而係一碟3個都係咁。之後就係個勝瓜，呢個出奇地好食！雖然無用咩特別調味，但勝瓜本身個味好甜好清新、亦無渣滓，好耐無食過咁好味既勝瓜！個紫薯煎堆聽落好似好新穎，所以叫黎食下。但最後都有點失望，因為個煎堆size偏大，入面既餡亦都太甜太膩，食半個已經飽飽啦。雖然已經叫到成枱都係，但總想有少少甜品作結，我地想叫煎糕、因為賣相好吸引。最後係無叫到，全因為叫糕唔可以再好似以前既菜樓咁、一碟可以要幾款唔同既糕。其實將所有糕mark曬同一個價錢咪幾好，賣相又吸引，又可以去貨去快點、客人食到更多元化既食品自然開心啦。