影片
更多
2019-01-09
911 瀏覽
新一年新開始，2019第一日返工，收工之後男朋友約左我係尖沙咀地鐵站等，問佢去邊又唔講，食咩又唔講，淨係叫我拉埋把口，跟住佢行。。。我係尖沙咀地鐵站join左佢，就行去A出口，上黎海防道，一路向海港城方向行，行到廣東道就一個轉身向右行，差不多到apple store，被佢拉入左流尚坊。上到8樓，原來係帶我去fine dining，食法國私房菜——「Amina Modern European」，估你唔到喎。座位&環境呢度主要用左黑白灰，行簡潔路線，有別於出面間間都玩industrial。而燈光就暗暗地，唔會有強光耀眼，反左成日工，終於有得放鬆下個人啦！Menu有4款set，2款係8 course，2款係9 course，價錢由$980去到$1380/pax，仲可以散叫再追加食物既。比較有趣嘅係男仕嘅餐牌先有價錢，女仕嘅係無架！我地今晚就叫左個基本嘅8 Course Set，輕鬆fine dining。首先一黎係餐上小品Amuse Bouche，今日有呢個蜜瓜青蘋果汁，甜甜地，果味香濃，飲落好清新。配上風乾火腿，咸香味突出，薄薄一片，有d似食緊台式豬肉紙咁，幾有趣。一甜一咸刺激味蕾，等我地
我係尖沙咀地鐵站join左佢，就行去A出口，上黎海防道，一路向海港城方向行，行到廣東道就一個轉身向右行，差不多到apple store，被佢拉入左流尚坊。
上到8樓，原來係帶我去fine dining，食法國私房菜——「Amina Modern European」，估你唔到喎。
座位&環境
呢度主要用左黑白灰，行簡潔路線，有別於出面間間都玩industrial。而燈光就暗暗地，唔會有強光耀眼，反左成日工，終於有得放鬆下個人啦！
Menu
有4款set，2款係8 course，2款係9 course，價錢由$980去到$1380/pax，仲可以散叫再追加食物既。比較有趣嘅係男仕嘅餐牌先有價錢，女仕嘅係無架！
我地今晚就叫左個基本嘅8 Course Set，輕鬆fine dining。
首先一黎係餐上小品Amuse Bouche，今日有呢個蜜瓜青蘋果汁，甜甜地，果味香濃，飲落好清新。配上風乾火腿，咸香味突出，薄薄一片，有d似食緊台式豬肉紙咁，幾有趣。一甜一咸刺激味蕾，等我地可以好好咁品嘗之後嘅菜式。
之後就到佢地自家製麵包及特色醬 Homemade Bread and Dip，麵包鬆軟得黎又帶點硬，幾有口感，配料有d合桃，配上特色煙熏牛油，食落帶有甜味，真係幾有特色。
接住係 牛至淹漬八爪魚 Hokkaido Octopus，玻璃蓋一掀開，濃濃嘅蘋果木煙燻味即時湧出黎，但食落口，又唔會比煙燻味搶左，反而只有好淡嘅煙燻味，為食物帶點餘韻。北海道八爪魚食落爽口彈牙，配上三文魚籽同青醬，以及淹漬洋蔥圈，味帶酸甜，更能突顯八爪魚嘅鮮，感覺清新嘅前菜。
然後到 龍蒿卷兔鞍 French Rabbit，話說其實未食過兔肉，「兔兔這麼可愛， 怎麼可以吃兔兔」。不過新一年都要有d新嘗試，試試佢啦。
上枱非常精緻，好似藝術品咁，面頭放上一塊墨魚汁脆片，中間加上淹漬洋蔥圈，蘋果醋淹過嘅頭芽，主角兔鞍就比龍蒿包住。其實龍蒿都算係法國菜常見香料，香味帶甜蜜，配合兔肉又幾夾，兔肉本身白肉味淡，加上酸甜紅苺醬，好match。
食到3分1，飲個湯清清個口先，今日係 法式牛肉湯 Beef Consommé。湯底牛肉味濃，非常甜潤，完全無油感，做得好清。配上配料帶子、白蘿蔔、椰菜花，都係d味道較清嘅配料，唔會污染個湯嘅鮮味，亦能增加食用時嘅口感，呢個配搭值得一讚。
終於到我最愛 香煎法國鵝肝 Foie Gras，煎得非常香脆，切開𥚃面仲係好juicy，入口即溶，外脆內軟，處理得好好。旁邊有d葡萄醬，亦可以減低鵝肝嘅油膩感。至於南瓜蓉，其實個人幾欣賞，佢混和左古斯米，營造左一粒粒比較實在嘅感覺，相比單純南瓜蓉，口感來得更豐富。味道好有趣，居然令我聯想到紫菜味嘅愉快動物餅。
再來係 黑松露有機溫泉蛋 68℃ Slow Cook Organic Egg，面頭鋪上一片片現刨黑松露片，加上帕馬森芝士，用上咁豪華嘅材料去配合雞蛋食用，都係第一次。溫泉蛋好滑，而黑松露片及帕馬森芝士都係咬落爽口，複雜嘅口感，配上濃濃嘅香氣，好滿足。
食完味濃嘅野，黎個芭樂雪葩 Sorbet 清清個口再迎接主菜就岩啦。雪芭唔太甜，酸酸地，再配合旁邊石榴子，幾出色。
主菜我地一人叫一款，我就食慢煮法國鱈魚，鱈魚肉質比想像中嫩滑，而且鮮味十足，配合奶白色嘅魚湯，真係好有魚味。而且配合青瓜絲食，會更加夾。青瓜絲同魚肉一爽一軟腍，青瓜絲索左魚湯，食落更添滋味，亦能豐富口感。
Waygu Beef Cheek
20 瀏覽
0 讚好
0 留言
男朋友就叫左紅酒燴和牛面頰肉 Waygu Beef Cheek，望到賣相咁精緻，都要偷啖黎食下。
牛面頰肉肉質都幾嫩，咬落無渣，牛味都幾出，配合面頭炸蘿白絲，又幾好喎。旁邊有用牛油煮過嘅菌類同薯仔，都唔錯呀。
Tea
14 瀏覽
0 讚好
0 留言
食完主菜飲杯茶先，我叫左杯洛神花茶，酸酸地，可以消消剛才嘅油膩，清埋個口，準備迎接甜品。
Dessert
14 瀏覽
1 讚好
0 留言
甜品Dessert 係蜂蜜蛋糕、焦糖脆脆同抹茶雪糕 。蜂蜜蛋糕味道算係偏甜，不過抹茶雪糕就帶有少少甘香，加上甜品有個酸酸地嘅乳酪汁，中和一下，一啖食齊三樣就好balance。
最後附上 小甜 Petit Four，係5粒朱古力，有傳統Dark chocolate，亦有raspberry 同green tea 味，我地就以甜甜嘅朱古力為呢餐畫上句號。
Overall，餐廳總體黎講菜式都做得好精緻，亦有心思去安排每道菜嘅用料配搭，食完係真心有驚喜，有d用料亦無諗體可以咁配襯，學到野呀今次。店員服務態度亦好好，上菜時都會細心解釋每道菜用料，務求令你可以完美體驗佢地嘅菜式。個人就非常歡喜呢間餐廳，唔知男朋友幾時再帶我黎食呢？
張貼
