Awfully Chocolate (已結業)

為左俾朋友一個開心又難忘既驚喜, 去買個非常朱古力既蛋糕~ 但我又驚到時先去買會唔可以寫字係個面到, 都係打個電話去問問. 個sales姐姐話我其實已經可以係電話預訂, 兼話俾佢知我想寫d乜野字係面~ 好在我要寫個d字好簡單, 係電話到講都幾易. 同埋佢話我係到時拎蛋糕先俾錢~ , 如果遇上了壞人, 打電話黎玩, 咁點好? 哎呀, 佢咁做生意有危險~ 拎蛋糕個刻先知可能我地通話個時既reception唔好, 竟然串錯人名 (好在朋友唔介意), 所以都係親自去訂又或者上網訂好d~ 由於佢知道我係celebrate bday, 所以送左個生日牌同蠟燭俾我, 個生日牌都幾靚架~ 講返個蛋糕先~ 從相片得知縱然佢細細個, 但好高身好厚. 佢其實係由2層好鬆軟既朱古力蛋糕夾住一層好thick既朱古力醬, 而外表亦由好多朱古力醬抹好~ 成件事真係好朱古力~ 一入口, 佢既朱古力就已經融化, 溢出好香既朱古力味~ 個蛋糕好滑好smooth, 又好輕盈, 一d都唔 "漏", 唔會有好heavy既感覺. 感覺太好喇, 所以覺得唔夠喉, 下次都係買個大既, 開心d嘛~