影片
更多
2010-06-30
41 瀏覽
23-6-2010朋友鍾意食意大利菜, 今年為佢慶祝生日就訂呢度 lunch 試試吧, 還掂自己都想試. 叫了一份 starter + pasta 的 2-course set lunch 及一份 starter + pasta + main course 的 3-course set lunch, 兩份 lunch 仲跟 coffee / tea 及 dessert, 食得好滿意:-Table bread 有洋蔥 focaccia 及蕃茄包: 較欣賞前者的煙韌質地及香濃 onion 味, 後者就略嫌唔夠「茄」又唔夠鬆軟; on the side 奉上的有陳醋及 housemade pesto sauce, 後者質地濃稠, 蘸包食香濃又出奇地唔油膩, 絕對值得試試. Starter 揀了 snapper carpaccio: Beef / scallop carpaccio 就食得多, snapper 都係第一次食... 薄切魚肉賣相晶瑩剔透, 食落爽身嫩滑, 配上橄欖油, tomato salsa, 洋蔥 etc, 酸酸甜甜又帶少少辛辣, 感覺清新, 幾好食.朋友食 buffal
朋友鍾意食意大利菜, 今年為佢慶祝生日就訂呢度 lunch 試試吧, 還掂自己都想試.
叫了一份 starter + pasta 的 2-course set lunch 及一份 starter + pasta + main course 的 3-course set lunch, 兩份 lunch 仲跟 coffee / tea 及 dessert, 食得好滿意:-
Table bread 有洋蔥 focaccia 及蕃茄包: 較欣賞前者的煙韌質地及香濃 onion 味, 後者就略嫌唔夠「茄」又唔夠鬆軟; on the side 奉上的有陳醋及 housemade pesto sauce, 後者質地濃稠, 蘸包食香濃又出奇地唔油膩, 絕對值得試試.
Starter 揀了 snapper carpaccio: Beef / scallop carpaccio 就食得多, snapper 都係第一次食... 薄切魚肉賣相晶瑩剔透, 食落爽身嫩滑, 配上橄欖油, tomato salsa, 洋蔥 etc, 酸酸甜甜又帶少少辛辣, 感覺清新, 幾好食.
朋友食 buffalo mozzarella 配 tomato,「層層疊」賣相幾靚 蕃茄夠清甜多汁, mozzarella 就軟滑清香, 無可能唔好食吧? 可惜無試到底部的綠色 sauce (又係 pesto?), 唔知好唔好食?
Spaghetti carbonara 係朋友的第 2 個 course, 見賣相又黏又飽膩, 最後還是 2 人 share 好了. Spaghetti 當然夠晒 al dente, 醬汁就「黃」到「橙」, 質地濃稠, 食落蛋黃味香, 又帶點芝士味, 感覺卻濃而不膩 面頭的 bacon 鬆脆鹹香, 味道口感都豐富不少, 好食. 食慣 cream 味勁重的 carbonara, 呢度的完全唔同卻更啱口味, 不過相信又唔係個個都啱食吧.
自己的 pasta 就好似叫 tagliolini with crab, chilli, garlic & basil: tagliolini 明顯比常見的 tagliatelle 幼及薄身得多, 驟眼賣相我覺得有點似中式的伊麵, 哈哈 食落比預期爽滑得多, 帶淡淡蛋香, 正 配角 crab meat 就較失色, 食落無乜味道, 不過又 garlic 又橄欖油又香草, 味道亦全「掛」到 tagliolini 上, 係幾惹味的.
朋友的第 3 個 course 就係 catch of the day, 即 (slow-cooked?) John Dory: 試了少少覺得魚肉夠嫩, 不過唔知用了 d 咩 herbs 去處理, 食落帶點 "mint" 味? 唔算好喜歡.
餐後要了咖啡, 夠香不過濃度一般, 齋飲或落奶落糖飲都唔太喜歡.
Dessert 就大家都要了 tiramisu with white coffee ice cream: tiramisu 的「蛋糕」層幾「酒」又幾「咖啡」, 不過 mascarpone 芝士唔夠輕柔軟滑, 感覺一般; white coffee 雪糕打得幼滑, 咖啡味濃郁又唔太甜, 呢個反而更吸引.
食物大致滿意, 環境及 service 就當然好得無嘢講啦, 不過呢度貴為車軚人心水餐廳, 配套好都唔出奇吧.
用了 Openrice coupon 折後每人約 $240 埋單, 唔算好貴, 朋友亦似乎幾滿意, 值得試試的.
張貼
