樂天經典 (已結業)

今日同屋企人一齊食飯，平時工作繁忙，其實基本上都好少同屋企人食飯。難得大家今日一齊食飯，就食餐好的，我就介紹大家去呢間樂天經典食南洋風味嘅菜式。黃金蝦球 $155 S我一向好鍾意食大大個蝦球，呢度有三種味既蝦球，有辣有唔辣，仲有話Wasabi口味，都幾有新奇。不過蝦球就唔係好大隻，但鹹蛋味都幾濃，所以食落都好好食。酸甜生魚片 $108 S酸甜魚不嬲係我嘅摯愛，嚟到呢度都一定要叫！不過魚片就比較細條，可能係因為嗌咗細版嘅關係。醬汁好濃好稠，小朋友都好喜歡，餸飯一流。砂煲花菇西蘭花扣海參 $297 M同屋企人食飯，當然要叫番少少貴價菜啦，要有返啲名貴嘅菜式，先係一家人食飯既! 海參係我屋企食飯必備既菜，海參預早切好，有大大隻冬菇同大量西蘭花，都唔錯嫁。