喜茶 (已結業)

忙完一排，終於忙完啦，老闆見我地辛苦，請我地飲野同食蛋糕，而我地選擇左喜茶黎飲。我同隔離同事share左兩杯野黎飲，我叫左多肉葡萄而佢叫左芝芝金鳳茶王。其實兩杯都有奶蓋，不過我地唔想加入去杯飲品度所以問可唔可以分開，本身都諗住可能唔得架啦，點知可以之餘仲用左個小小外賣盒裝住啲芝士奶蓋，好好，好欣賞佢地呀！仲有樣野覺得佢地好好，就係我發現就算我少左冰同分開左個芝芝，佢地都會張杯野飲裝到去杯上顯示個條線度，唔會話少左冰杯野飲就少左，不過我飲左幾啖先後知後覺咁影返張相，所以其實本身啲飲品係有到條線度架兩杯我地都叫左少少少甜 + 少冰，唔飲太甜既我地就岩晒，不過可能因為我杯有葡萄肉係底，夾埋啲葡萄就有啲酸，但我接受到，同事就覺得酸左少少。同事杯金鳳都好好味，好清爽既味道