LAVA Bar & Restaurant (已結業)

星期五早左放工同朋友去太子始創中心見完工，順便去Lava bar & restaurant 食西班牙菜慶祝下！入面環境好啱知已把酒言歡！西班牙海鮮飯，份糧好多、海鮮好足料！蜆肉好飽滿鮮甜，蝦肉彈牙，仲有鮮魷魚同西班牙臘腸，加左茄糕嘅飯粒粒分明又唔會太酸，配合埋各種海鮮，真係越食越開胃。蒜香大蜆扁意粉，啲蜆真係好大隻飽滿，蒜香令到蜆肉好野味，扁意粉軟硬啱啱好，幾彈牙。Fruit Punch，colourful得嚟又好refresh，見到都好開心。Blanc kagua，自制手工啤酒，麥酒味道清香一啲都唔烈，好易入口。Lava分子蜂蜜海綿蛋糕配意大利雲呢拿雪糕，海綿蛋糕真係超級鬆軟，食落口感比綿花糖只係實少少，仲好香蜂蜜味，配埋雲呢拿雪糕同糖餅，口感味覺係一個完美嘅配搭。呢餐真係食得好開心又滿足，下次生日要再嚟慶生！